بلادْ الموتْ والجوعْ

تِباتْ بْخوفْ ودموعْ

وما تِلْگه ضِوَّه شموعْ

وتبقَى الأرضْ ظلمَة

*         *         *         *

نِخافْ الچانْ ظالمْ

يِعودْ اليوم حاكمْ

ويصيرْ الوطنْ واهِمْ

ونِنْسَى حَتَى اسْمَه

*         *         *         * 

صبحْ  بغدادْ مَتْعوبْ

ويِفـزْ الطفلْ مَرعوبْ

وعِشْگْنَه يِظلْ مَصلوبْ

گِلّي وينْ أضمّه

 *         *         *         *

نَخافْ العيد يِحزنْ

ونِحذرْ ضوّه اليِضْوَّنْ

ويصيرْ الوطنْ إلْمَنْ

خرابَه وبيتْ عتمَة

*         *         *         *

صارْ القَتِلْ راهِبْ

وحَچيّ الصِدِگْ كاذِبْ

ودربْ الدَغَشْ صايبْ

 وحيلي اشلونْ احَزْمَّه

 

 

23-4-2005