اعكالك بندر بيه لوله
تاير بيه ركعه على طوله
لا انْتَ تركعهه ابمعرفتك
ولابنجرجي ابن ام ارجوله
مايعرف من جان ازغير
أثول مايدري اشربوله
وطه اجْريوْ امضيّع امه
أغبر مايندل دندوله
امين انجيب البنجرجيه
وركعه لبندوري ايسووله!
وشما يكبر زرف التاير
بصل وكراث ايحشوله
وعنبه وصمون وتبوله!

هذا اعكالك لو قعّاده
يا أقذر فاره ابمصياده
ويشماغك ثردوه بالمركه
وانطوه للكلب وماراده

بندر كال اعكالي هويتي
ارجوكم انطوهياه
وشفقه وكاسكيت وبيريه
خاف اسويهه جوّاه
اتلحكوله مندري اشماكل
ما نعرف طه اشغدّاه
انطوه تنكه وسطله وطاسه
وصونده وخاشوكه ومسحاه!

بندر هل - مجرم ذيب امعط
وصدام الثعبان الأركط
ينطي احبال وبندر يعدم
ذبحَوْ مليونين وميهم
مادام حزب البعث المجرم
متخصص بس بالاعدام
وبندر قيطان ال صدام

موصوج أحد يابندوري
اعكالك جلّب باللوري
ورزكار ال كالكْ سامحنه
بالعربية قالك عفوا
وبالكردية آي آم سوري
ووجعه اتطمك بالآشوري

العكال يابندر اله قيمه
ايلبسوه الزلم اهل الشيمه
وانت اعكالك سير انعال
وكاله وشحاطه وبصطال
 

العودة الى الصفحة الرئيسية