جا وين الزرقاوي؟ 

 

السلام عليكم

 يا اخوتي مضى وقت و لم نسمع من صنيعه امريكا "الزرقاوي"؟ جا وينه الزرقاوي هذا؟ هل قبضوا عليه ام هم قاب قوسين او ادنى كما يخدعوننا دوما؟ ام هل رحل "الزرقاوي" الاعور الاعرج بدون رجعه من العراق؟ لكن ايى اين ذهب؟ واين تكنولوجيا امريكا الخائبه في تتبع خطوات "الزرقاوي"؟

 نتذكر ايام ابو طبر! عندما صنع صدام اللعين مجرما سفاحا مثله و اعطاه طبر كان قد صنع خصيصا في امريكا. وراح هذا السفاح ابو طبر و طبره يطبر رؤوس العراقيين ممن يريد صدام السفاح الاول التخلص منهم! وعم العراق رعب من ابو طبر هذا! و العريب انه ظهر في بغداد و سفك الدماء في بغداد حيث كان يدخل البيوت بالليل و يطبر الرجال و النساء على رؤوسهم امام اطفالهم ثم يطبر الاطفال و يخرج من دون ان يترك اي اثر! حتى عم العراق الرعب الشديد الى الحد ان كل بيت من بيوتات العراق ظل مهووس خائف من ان ياتي ابو طبر لبيته و ويرش المبردات بمخدر لكي يخدر اهل البيت ويدخل ليسفك الدماء و يخرج من دون ان تعلم اجهزه الامن و لا الشرطه اي اثر له!

 ابو طبر اتضح هو صنيعه صدام ومن الممكن هو نفسه مثل دور ابو طبر!

 وابو طبر اليوم هو "الزرقاوي" بنفس الاسلوب و نفس الهدف: لاشاعه الرعب في نفوس العراقيين ليقبلوا و يرضخوا لاملائات امريكا صانعه ابو طبر اليوم!!!! يوم نسمع الزرقاوي في الفلوجه و دكت طائرات الاحتلال الفلوجه و مساجدها دكا بحثا عن ابي طبر اقصد الزرقاوي؟ لكنه فص ملح وذاب وراح وسمعنا انه بصوره عجيبه وصل الى البصره فتوقعنا ان صانعي ابو طبر يريدون يقولون لنا الان البصره ستاتي اليها لعنات المفخخات. وبعدها صار ابو طبر يسرح و يمرح في كل مكان اقصد الزرقاوي!

 فسمعنا الامريكان "المتحضرين" يقولون ان ابو طبر في النجف. بويه الجماعه عندهم حسبه بالنجف التي استعصت عليهم يوم ثوره جيش المهدي على اسياد صدام الامريكي! وبعدها سمعنا ان ابو طبر في الموصل او ما بين الموصل و كركوك او يمكن بالعوجه لولا بالرمادي بس يمكن بالقائم .... اي هاي هيه هو بالقائم يم الحدود السوريه انه الزرقاوي الذي تموله سوريا و عائلته اردنيه يتجول في العراق بدون هويه ولا يعرف اسمه الثلاثي.

 اريد اشوف الكاكا كازار امين محمد لما يقبضون على الزرقاوي بطلعان الروح راح يساله على هويته و اسمه الثلاثي لو راح يجاوبه الزرقاوي انذاك طبري هو هويتي روحوا جيبولي طبري تعرفون هويتي!!