|
|
 |
 |
|
بغداديات .. ويهليّه بهلول الكظماوي ابتدئ حلقتي هذه المرّة بتهنئة مكعّبة ( إذا صحّ التعبير ) إلى أبناء شعبنا العراقي الصامد , بمناسبة أعياده الثلاثة مجتمعة , ألا وهي عيد الجيش العراقي مروراً بعيد الأضحى المبارك و عيد الغدير الاغر وأخيرا وليس آخراً عيد الاستحقاق الانتخابي الذي أنجزه شعبنا بجهاده المبارك , حيث تحدّى اعتى إرهاب عرفته المنطقة , سائلاً الله جلّ و علا أن يتمّم له أعياده بالقضاء التام على هذا الإرهاب اللعين و يكلّل نجاح جهاد شعبنا بالاستقلال التام و جلاء القوات الدخيلة , انه سميع مجيب. ( ويهليّه )
عيد اجبير عدنه اليوم فرحانين...... او صار زمان ما حصّلنه عيـديّه عرس الوطن هذا اليوم لنطرناه...... مزيون الوطـن و افراحنه زهيّه من طاح الصنم ابتسعه من نيسان.... الفرحه ناكصه جانت او مستحيه لأن الصنم طاح ابأيـد أسياده........ الامـريكان لحسـابات مخـفيّه أو لجن هاليوم طاح ابأيد اهالينه..... و بتصـويت و بآراء شـعبيـّه طلع صدره العراقي اليوم يتبختر...... بزوده جاب نصره ميّه بالميـّه شمال عراكنه و جنوبه متوحدين...... شرقه او غربه وحدتهم حقيقيّه سنّه او شيعة, اسلام او مسيحيين.... تركمان او عرب,كرد او ايزيديّه صبّه و الشبك ويّانه ايد يأيد............ مشيناهه سـوه حمله انتخابيّه شيّدنه اساس الصرح و حدتنه........ اوشرقت عالشعب شمسج يحريّه شكد دكّت مرام البارحه او دبجت...... واسـتنفرت كل زمـرة الكاوليّه ما جابت نقش ابكل عمل عملت......... تراهه ردود راح اتنام مجـفيّه مرام اليوم لبست هاشمي او لطمت..... او نصبت فاتحه او عزّت البعثيّه اهلنه بالرمادي اليوم منتفضين........... نحيّي انعومهه المنطقه الغربيّه شمرو عن سواعدهم زلم خشنين........ يطـردون العصابات التكفيريـّه حيايه ارهاب تكفيري او عكاربهه........ بعقر الدار عرست عرس واويّه اعرفو يا عرب طبع العراقيين............ يتوحدون من تصـوفر الحيّـه خسه كل اليراهن عله فركتنه........ خسه الارهاب, خست ابواق رجعيّه خسه صوت الجزيره المن قطر يعوي.... امّداهم , طاح حظهم هالظلاميّه اتحقّق, حلم صدر العراق اليوم ......... ورد خضـرت مقابرنه الجماعيّه هاليوم الشهيد ابّرزخه فرحان.......... او تنتضـره بهلاهل الف حوريّه اجتثاث البعث راح انفعله من هاليوم ... وندعم النـزاهه ابـديمقراطـيّه من هاليوم راح انكول لمريكه .......... انتي دعمتي صدام بخبث نيّه واجب تعتذر امريكه من عدنه .......... ونحاسب حكمهه عله ماضيّه من هاليوم صدام او ربع صدام ......... تحـكمهم محاكمنه الجنـائية شرطتنه و الجيش او امنّه هاليوم ...... عنوان السـيادتنه الوطـنيّه يالارهاب شيل جوالك او ارحل .......... بعد مالك خبز عدنه و لا ميّه و لمريكان ما عدهم عذر يبقون ....... لأن عاد العـراق بأيد اهاليّه يرب الكون ساعد كل شريف يريد ..... خير الهالشعب نجّح مساعيّه واخذل كل نذل راد الشعبنه الشر ....... رجّع كيده النحره او مراميّه أهلنه عملوا المطلوب من عدهم ...... و التوفـيق من عندك يباريّه الشكر لله بالسرّاء و الضرّاء ......... و اليشكر يلاكي النصر حتميّه
بسم الله الرحمن الرحيم الذين ان مكنّاهم في الارض اقاموا الصلاة وآتوا الزكاة و امروا بالمعروف و نهوا عن المنكر و لله عاقبة الامور . صدق الله العلي العظيم. الى اخوتنا هؤلاء الذين مكنهم الله في الارض عبر شعبنا الذين خرج للتصويت بدمه لينتخبهم و يحملهم الامانة ( امانة تأريخ جهادي مخضّب بالدماء الزكيّة لخيرة شعب على مدى اكثر من ثلاثة عقود ) اقول لهم باللهجة العاميّة العراقيّة ( هلّة الهلّة بشعبنه المظلوم ) لقد كلّفكم الله تعالى لخدمتهم فكونوا عوناً لهم و لا تكونوا وبالاً عليهم و اتعضوا بسلفكم ( فلو دامت لغيركم لما وصلت اليكم ) اعانكم الله على حمل و اداء هذه الامانة وآجركم على متاعبها. و دمتم لاخيكم
|
||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com |
