|
|
 |
 |
|
الحكومة تصير امي ... وانه اصير ابن الحكومة ... شكد قديمة وفلم هندي ..... من جان جدي طاوي كل وكته أعله رأسه ويزرع بروحه شلب ... ومن جان أبوي محزم بتعبه أعله ظهره ويتعللّ بجاي وجذب ... ولو أجه تموز توكفله المناجل ... وتحتضر كل السنابل من دهابزه وسمومه ... شكد قديمه وفلم هندي الحكومة تصير أمي وانه أصير ابن الحكومة كلشي صدك ما تغير الجان تاجر طفر بايه .... والي جان خارج تغطية تعذيب النظام ... أجه وبكل الصراح على الوطن ...يلعب ...يراهن باقي بس يكتب على جدران بيته اللقب سوبر مواطن... والفقير كضن نخلاته سبايا هذه وضعية بلدنه الله يدومه .... الحكومة تصير أمي وانه أصير ابن الحكومة... يا خفافيش الوطن... بطلوا السوالف..عاد كافي ... هاي بس انته تعرفه يا سياسي .. هذا سني وذاك امامي ... وهذا مايصلح يكون بهل الوزارة... باعتباره منتمي لفلان آية ... صدكوا لابد يوم تطلع وتفضح الشمس الحرامي .. وبالضوه متعيش بومه ... الحكومة تصير أمي وانه أصير ابن الحكومة.... شكد قديمة ... أمي جانت تدعي كل يوم بمسيه ... وارتفع عن الوطن هذا البلاء .. .. وفاز موسى أعله فرعون... وخاب كل ظالم تحجم وانكسر كل ظالم عنيد.. وغادر جريذي البعث .... إذن بعد ما نغلط نبتدع واحد جديد.... ولازم من هاي نعرف ولازم أتصيرنه جاره ... بروح أبوك ماعرفت اشلون صارت أخبار الوزارة ... المواطن صار هاي ابسط همومه .... ومة تصير آمي وانه أصير ابن الحكومة.... صارت المليون مره حلمي ايجذب عليه ..... جنت احسب بس يطيح اسم الضرورة... يتشلبه بأيامي الفرح .. واتجه كله شعبنه لصناديق الاختراق.... وكلنه بلكي هاي تصير للوادم فرج وبلكي هاي تصير نقطة انطلاق ... انوب صار الحجي كله حزب هذا .. وحزب ذاك... وفلان واحد الناطق الرسمي باسم أفلان كتله..... لا ولا هذا الحجي نريده .. ونرومه روجة الأجيال جابته أليه ... الحكومة تصير امك ... وانته صير ابن الحكومة... ولسه ما مقتنع بيه ... الحكومة تصير أمي ... وانه أصير ابن الحكومة...
|
||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com |
