سبتمبر ياسبتمر

 نضال الحار / سويسرا

alhaarnedhal@msn.com

 سبتمبر ياسبتمر

والعالم كله يتحضّر

ليوم أمريكا (الدامي الأحمر) ؛

عاشور امريكا سبتمبر

بوش محضّر قامه

ويهوّس بالبيت الابيض ها خوتي ها

 ها  ها احنا الخوفنا العالم شلون يفلشون البرجين

وتشيني سالت سيفهَ

وبكل همّه ناوي يطبّر

 ورامسفيلد نصّب صاروخه

يريد العالم كلّه يدمّر

وبريطانيا لبست اسود

واسرائيل الحبابه

سوّت لطميه والملا شارون الاغبر

ابسبتمبر بن لادن ضرب البرجين

يمحي امريكا جان يتصوّر

وبالبرجين 3 الالاف يهودي

بلغّهم قبل التفجير باجر محد منكم يحضر

أذاّنه واّذَ الاسلام وخلّه العالم منّا ينّفر

حلل باطل الله وابطل معروفه وأستكبر

لعبه اجبيره شارك بيها وحط بظهر الأمه الخنجر

مكشوفه والعالم يعرفها لكن بس ويانه العالم اعور

مايشوف بس الي يفيده والمايفيده اعليه يتستر

ومن ساعتها امريكا كامت تتحّضر

تريد اتزيح ارهاب العالم لن هو صار الشيطان الاكبر

جذبوا جذبه وصدكوها وكل العالم بيها اتقشمر

أحتلوا كل أفغانستان بأسم الاحداث ابسبتمبر

وبغداد الحلوه دمروها بالاسم الاحداث ابسبتمبر

وفتحوا للاشرار الديره وصارت كل ذياب العالم بيها تفتر

شي تصلخ وتعلك وشي تذبح عل القبله وتنحر

والعربان اجونا مراكض حركوا كل اليابس عدنا

 وكل الباقي من الاخضر

وملالي ايران صارت بالبصرة تمشي تتبختر

وأخذت من الشط الصوبين وعلينا كامت تتأمر

والبعثيه رادوها من الله  

شي لبست عل الراس عمامه

وبطلت أتجر زحلاوي وتسكر

وشي تقاوم بالناس مو بأمريكا

يوميه تيس بنصهم يتفجّر

واليتفجّر للجنه يروح

يتغدى هناك برياني بتمن عنبر

والنفطات صارن فرهود

كل معارض سابق جر بوري

وشيّد مصفى أبيته  وعمّر

وكال اني الاوله مو اني الضحيت

ولو مو اني ماجّنا نتحرّر

وكله باسم الاحداث ابسبتمبر

وصارت كل بيوت الساسه قصور

بكد قصور العوجه وأكثر

عز وجاه ومال وتكييف والكاشي كله من المرمر

والمكرود ابن الديره على اللكمه باقي يتحسّر

وصديّم مرتاح بسجنه  

ياكل خوخ وموز ويضرب قوزي وتشريب احمر

شايل قرأن الجذاب وكل ماحاجوه عيّاره أستغفر

 سواها ونكّس رايتنا  وبعراق النهرين استهتر