بنت الرافدين

بارك الله بيكم ممثلين ألشعب والشغب

رحيم ألغالبي / الشطرة (الناصرية)

من خلال ما كتبت ألاقلام في المواقع والصحف وكذلك الفضائيات عن لغة برلماننا.. أستنكرت شركة باتا عريقة الاسم والسمعة... ذلك ان تداول الاحذيه * يضر بسمعتها فهي ليلبسها الناس وهي خدمة مفيدة لهم وليس مفردة عقوبه ورأي (سياسي محنّك) ..فيما قالت شركة دجله.. للمصنوعات ألجلديه أن ذلك اعلان لبضاعتنا من خلال خروجها (أي كلمة القندرة) من فم ناس لهم شأن في العمليه الديموغراطيه * وصعدوا بأوراق أنتخابيه (مو ..مو مزوره) وأصابع بنفسجيه....نحطها في (مقعد ممن تسلل وممن لم يصلح.. لهذا ألكرسي) أي الكرسي نضعه فوقه وليس هو يجلس على ألكورسي * (هذه الحلقه 4 راجعوا الاولى... أشكلنه .. تره مو غلط) لاتستغربوا...لغة القنادر لان الكلمه أطلقها رئيس البرلمان لانه خريج جامعة (بـا تـا) ولديه ماجستر من شركة دجله للامراض الجلديه..عفوا للصناعات الجلديه وبـا تـا ودجلـه من الاسماء العريقه ... وهكذا بجداره.. يعلن اخلاقه امام الناس والفضائيات اما كيف يتحدث بدون ظهوره في الاعلام (اظل ادك والطم)

+ حجي الناس والاعلام....

نبض الشارع

كاموا ياخذون المالكي اعله صفحه ويختلون بيه جماعة ابن صبحه وابن لادين عفوا ..لادن من يمكم صلحوها ...بعد ما تا خذون أذن وخشم رئيس البرلمان (شاون خشم من ايفر بميزه تكول لاقطه منّه وبيه؟؟ لو هاتف نقّال ..هو رب العالمين هيجي امصممه لان يدري بيه راح يصير ريس بر لمان واذا عدك اعتراض لاتحاجيه لانه قوي بلغة القنادر (لبلبان) راحو لبيت المالكي لاضافة بنود الى وثيقة رمضان * (نسبة الى طاسه ياهين رمضان عذرا ..طه ياسين رمضان ** اطلاق سراح المعتلقين (يدكون ويلطمون عليهم لان هذوله الفجروا حشد امام المخبز بالبتاوين واللي ذبحوا عمال الكبه واللازمين سره بالبنزين خانه، ورطوهم جماعة التوافق والنوافق والحوار والمدعومين من دول الجوار (كومة ...؟ مو احجار ولا هالجار) لازم ايطلعوهم وايطلعون حماية الدليمي اللي عنده معمل تفخيخ في بيت الدليمي... ثواب لرمضان ...وجزء من العباده (رمضان سبحه وسجاده .. ولغم ما مفجور بعده ببلاده) ضاميه الى ليلة القدر لمن يجي ايعاز من ...؟

** ألمهم راحوا..جماعة وئيقة رمضان (جماعة 14 رمضان هروس الثورات**)

* اكو واحد يجتث نفسه ؟؟؟ هيئة اجتثاث البعث تطرح قراراتها الى البرلمان الى ...؟ و... ؟ و... ؟ ...؟ وطالح ** و... ؟ (مطلق الحريه بالتهديد والوعيد لمن يحارب البعث) كيف هؤلاء وكثيرين منهم (من هيج اشكول) ان ينفذوا قرارات ضد تغلغل البعث والفسادالبعثي في القيادة وزراء ووكلاء ومدراء عامين وحمايات واعلاميين.. وضباط وحتى مختارين.آخر زمان واعلامي ناطق باسم الوزاره تصوروا اعلامي لحزب البعث في أحد المحاقظات هرب بعد السقوط الى بغداد 0سقطوا ورادوا دور ثاني وثالث) وعين مسعول ...!!

مكتب اعلامي لاحد الوزراء..يابه ألتربيه...ليش انضمه. عند الاعتراض عليه نقل الى وزارة بنفس المنصب ومن حصة اخواننا السنه عينوه مالت الله هم ماعدهم اعتراض كونه من الجنوب الصفوي..*و كونه شيعي لان (إيده بالدهن) تزكيه من البعث كونه سابقا أعلامي واهلامي مرموق ؟؟؟؟؟

*عيب يا كتلتنه ألجبيره ..!! كاعدين والماي جوّه رجليكم وتشوفوه بعيونكم (عمه العماه الي يشوف وساكت)

* بهاء الاعرجي عضو كتلة الائتلاف صرح في مؤتمرصحفي(لقد تم قي خلال اليومين السابقين احباط محاولة انقلاب غير جديه لاطاحة حكومة المال كي ..!!) المتحدث الرسمي باسم وزارة الدفاع اعلن من مقره في داخل كهف الخضراء(لم تبطل وزارة الدفاع أي محاولة انقلاب) البركه بيا حبّايه ما أدري؟

وزارة الصحه قررت اضافة مادة الحديد مع حصة الطحين لمعالجة فقرالدم الذي تعاني منه عوائل كثيره(...) ولان ماكو فساد أداري وفساد ألضمير..!! هذا خبر اليوم وخاف مثل كبل سنه من وزعوا برادة الحديد مخلوطه بالحنطه ؟؟ حتى 0 تنظف معدتنا 0خاف بيها زنجار و/ أنضمت ألسالفه (؟) سووهه وحوروها كالوا الحديد مضموم بالجنطه مو بالحنطه...(بارك الله بيكم ممثلين ألشعب والشغب ..!!) أظن واحد من البرلمان أذا يسمع خبر عن أعلام وزير الدفاع مثلا (يقراه من كد فهمه وعلمه) أعدام.

وزيرألدفاع...مثل البعض في جدل بيزنطي حول التصويت على رفع حصانة احد أعضاء البرلمان (اللي ما داوم ولايوم واحد يسأل الثاني ما يعرفون هل ردد القسم....!!و واحد منهم كال احنه غير نعرف هو متهم لو بريء؟؟؟ أدري انت محكمه ؟؟جان من الاول انت تحاكمه ليش المحكمه؟؟ من هذا ألعلم وطلّع .. فيلم..!

ألله أيساعدك ياشعب العراق على هالدولاب ألاكشر.....!!

العودة الى الصفحة الرئيسية