- الله يساعد أخوية أبو إسراء

- أهلاً رفيق أبو حمزة، شأخبارك

- والله أبو إسراء بالضيم، وأموري مليوصة

- خير، خو ماكو شي

- تعرف والله بعد ماطلعت من رئاسة الوزراء الأمور داجة بعد محد يحترمني أدور على منصب ومالكيت

- ليش الباب مفتوح للحوار والمكشاركة السياسية لاتقتصر على شريحة معينة

- أدري بس آني أريد أصير رئيس وزراء لأن غير الحكم والكرسي ميفيدني

- ميخالف تعال شارك بالعملية السياسية وإخدم شعبك من خلال البرلمان ودافع عن حقوقهم وفق الدستور والإنتخابات جاية بالطريق وحاول إثبات وجودك، وصلح أمورك مع الشعب

- ياشعب يمعود هو منو اليحبني باشعب

- زين روح لحي أور بلكي تلكة واحد يحبك

- ماكو والله، بس عزة الدوري والبعثيين دعموني لمنصب رئاسة الوزراء

- شنو رجعت لأصلك

- إي والله، مو تعرف الينكر أصله شنو؟

- زين الشركة الأميركية اللي تعاقدت وياهه مافادتك، والدول اللي تزوبل بيهه صارلك فترة ماسوتلك شي؟

- والله خوية خسرت كل فليساتي الحصلتهه منا ومناك ومافادتني بشي

- خوش، والدعم والحشد الدولي وين راح

- يابة ياحشد، يادعم، يادولة أروحلهه يسولفولي نفس الكليشة، الديمقراطية والعراق الجديد، والدعم للحكومة الحالية

- زين إذا هيج لعد لكيتلك شغلة ومابيهه تعب، بس ينرادلهه شويه صبر

- الله وإيدك يمعود

- تحرث بالماي وتكلي هوا

- زين الماي شلون ينحرث والهوا شلون يتكله

- هاي شغله بسيطة، الظاهر إنت متريد تشتغل وتبقى عواطلي وتدور شغله عالجاهز، من رخصتك رفيق عندي مواعيد وشغل هواي لأن البلد محتاجني وآني ضيعت وقتي وياك هواي، من رخصتك

- حجي، يمعود لتعوفني وحدي، حجي..... حجي.... هاي شلون شغلة وين ماأروح يلبسوني، خل أجلب بعزة الدوري بلكي يفيدني أدخل عليه وأقره بوجهة الفاتحة للسيد الرئيس بلكت يحن عليه بمنصب يمه.