|
|
 |
 |
|
الغــــدر
عرض: عباس السعيدي من كلمات الشاعر الشاب عباس العقابي ليش الي تحبـــــــة وتــــلطف عليـــــــه وتنفذله اليريــــــــده واخو تعتـــــــبرة وتنطيه العمــر وي النفس بالـــــــروح وتحطة اكبال عينك خايف تخسـرة وتأمن بيه وتحجي تســــولف ويــــــــاه وماكو ابينكــــــــم اسرار مندثـــــــرة ويومية تــــــــروح وتســـــــال عليـــــــه وتباوع وتوكف على البـــاب تنتظرة ولو مر بفرح لو حـــــــزن انت ويـــــــاه تنسيه حزنه وي كل مشكلة تمـــرة وكأن هوه مقام وكبة وي شـــــباك وتطب انت تـــــــزور اطوف بالحضرة وتخليه وتحطـــــــة بنــص العيـــــــون وتحترمة وتحبـــــه ودومك تقـــــــدره وكل هذا وتكـــــول مقصر ويـــــــاه وابد ما فكــرت تنســـــــاه وتغـــــــدرة ولو يغلط بحقك تســــكت وتنســـــــاه وابد متشيل منه ودومك تعــــــــذرة وبس يصدر غلط من عندك زغيرون ينسة اللي عملته لاجلـــه وينكـــــــرة ولا جنة يعرفــــــك صارله سنـــــــين ونسه ايام الحــــــزن ويــاه والشـــــــدة ويمر ميسلم ولا يسأل على الحــــــــال ولا جن روحي صارت من كبل سدة ونسه جان الكلب بيت وكعد بيــــــه وشرايين الكلب مفروشــة اله مـــــــدة فديته بنظر عيني وروحـي والمـــــــال ولو راد العمــــــر صدكونـي ما اردة ولا فكـــــــرت انسه الخبـــــــز والمـــــاي واشكر ربي عــن كل يوم يتعــــــــدة الخوة نســـــــاهه وشمـــــــت النـــــــاس ونسه اثار الشـــــــــفايف على خـــــــدة ضجت منه وكرهت العشرة ويــــاه ونفذ مني الصبر كلش وصل حــــدة ولكن انـــــي اظل وفـــــــاي للمـــــــوت ولا اصـــيرن نفـــــــط وعليه اتبـــــــدة ولا اصيرن جمـــــــر وارميه بالنـــــــار ويظل طبعـــــــي وفي وياه واتهـــــــــدة ويظل باب الكلب مفتوح كل يـــــوم وحتى من اطب لحدي الباب ما اسـدة
|
||||
|
© حقوق الطبع والنشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com |
