|
|
 |
 |
|
الطائفيـــــــــــــة
عرض: عباس السعيدي من كلمات الشاعر عباس العقابي لان شفتك شهم وتعلقت بيك وملكت الكلب انت وكل شارييني ولا فكرت يوم بلحظة انساك وملكت انت المشاعر ويه وجداني ولا كتلك حبيبي انت من يا دين لان حبيت شخصك مو شخص ثاني شيعي، سني انته ما سالت ليش لان ماكو فرق بالشيعي والسني نتبع امر الله وطه والقران وقرانك يا احمد هو قراني وسلمتك حياتي وروحي والعين وابد ما انساك لو انته تنساني وحبيتك صدك واتمنى اعيش وياك واكضي العمر محبوبة الك اني هسه شغيرك وشبدل اطباعك ليش تريد تشرد يا ضوه عيوني ليش تريد تخلق طائفية وياي وشنو ذنب المحبه وصادق لساني ليش تريد تنسة العشرة وياي وشمت الغريب وحتى جيراني لان اني احب حيدر الكرار وابد ما انساه لو مرت سنيني ولان شيعيه اني واحب اهل البيت واسكن نجف حيدر دولة اسلامي وانت سامراء تسكن شنهو الاشكال كلهن ارض وحدة ارض اوطاني وشنو هالتفرقة وهاي الخرافات اشو نرجع نسب واحد نسب عدناني اني اسمي نور ويشع بالايمان وانت اسمك اسم سيد الاكواني وشنو الفرق بين الاسم والدين اظل بحب امامي وهو يحميني اذا انت تريد تروح الله وياك انت الفرقت بين اسمك وديني لان انت تريد الطائفية وياي انساهه وتعال انتظرك تجيني ولان حبيتك انه وما افرط بيك تجي تنسيني همي وحزني وونيني كلحنه عراقيين يبن الناس ولا مشكلة المذهب ويه ايماني يسمونة العراق من الفاو حد اربيل ونجف وي سامراء وي بصرة وي ديواني ونعيش بارض وحدة وما نصير اثنين وماكو تفرقة لا بينك وبيني ونبينا نبي واحد من نبيين خاتم كل الانبياء وكل الادياني ولا تسال بعد عالمذهب وعالدين كول اني عراقي وجدي وصاني
|
||||
|
© حقوق الطبع والنشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com |
