المقابر الجماعية

هاشم المقدسي كوبنهاكن

makdisi_dk@yahoo.com

 

عائلة عراقية، هاجرت قسرا، ............. واولادها، سيقوا الى طوامير الطغاة في حينها

وظلت اكثر من خمسة وعشرون سنة، تجري بدل الدمع دما، بانتظار، الفرج للقائهم

وفعلا،هم قالوا............................................. تحرر العراق

( قصيدة : دموع التحرير = هاشم المقدسي - كوبنهايكن - 15 10 2003 )

ابسكي ادموعي، الهدب خضّر...ابسكي ادموعي، الهدب خضّر

 رسم، بركه وسعف اخضر، على اخدودي، الرسم اثّر

رسم طوفه وطرامي وبير يتذكر، رسم بلبل عله اعثوك النخل وكر

رسم تنور ورغيف ولهب اصفر .. رسم طر للفجر, رجّال طالع للشغل، بكّر

رسم ضحويه و شمس واهدوم فوك احبال، صوت الوالدة اينادي - ( وليدي المدرسه ),اتحضر

رسم جيران واطفال او لعب،جقّه وشبر، طمّه وخرز، طفّر

رسم جاي وكعك واغروب، وازياره لابن جعفر

رسم كلشي انرسم بالبال...(, رسم ورده خجوله، جنبده، تتفتح وتحمر)(2 )

 ابسكي ادموعي، الهدب خضّر

 

عمر، صبح او مسه، ابطول الهجر، باشواك، تتنطر

تكر اعيونها،تتامل, او ترجع، .. تشم عطره، تحضنه، تزرع العنبر(2)

ابسكي ادموعي الهدب خضر

 

على احدود الوطن، هام الكلب، كبل اللسان ايهلهل، او كبر

صرخ، يحسين ............................. اولادي، او ركض، بالبر

نست روحه، الزمن، .الام، احزان او مراره اشكد قسه، المهجر

 عثر........، كام وعثر .........، كام وعثر..........، اكثر

شد همته، ونذرلك، ياعلي، نوك، ايهدي وينحر

يود لحضه، ايحضر بالدار، يحضن بالكلب، لانوار، وخلي، ابموته، يتكدر

 ابسكي ادموعي، الهدب خضّر

 

على الباب، اوكفت، تنهك، آنه امكم اجيت،......فلان، آ يفلان

فرحانه، وتدك بالباب، .................فلان .................. افلان،

 يالجيران، شنهو اشصار، وعالباب الغلك، زنجر

 ابسكي ادموعي، الهدب خضّر

 

اسرحت، والناس سرحانه، اتلحك لسراب

تلف واتدور، واتناجي الهوه ولتراب .

سلت لانهار، واسفوح وكصب واهوار، و للنخله اعبطت، وابروح تتفسر

 (وحفرت بالكلب، لو نبشت المكبر )

 

 ابسكي ادموعي، الهدب خضّر

نزف، جرح الكلب، كطر، نزف، جرح الامل، عطر

ابسكي ادموم الورد، لاوطان، تتحرر

ابسكي ادموم الورد، لاوطان، تتحرر .

 العودة الى الصفحة الرئيسية