هالزفة يمه ابيتنا


المهندس علاء مهدي الاسدي-لندن

hasa2m@googlemail.com

هالزفه يمه ابيتنا
هالزفة يمه ابيتنا
 
بيتنا: طيب ومحبة وادب
ما يفرقنا كلمن حدب
عل كرسي همه ورتب
عالسله لو عالعنب

هالزفة يمه ابيتنا
هالزفه يمه ابيتنا

ننتخب للي رفع راياتنا فًًًوق
رايتنا حرة مليانه شوق
ونعيد حبنا بهل سباق
تحررنا من اجرام الرفاق
 
 هالزفة يمه ابيتنا
هالزفه يمه ابيتنا
 
احنا شكينا الجفن
خلصنا من زمرة:
 البعثي العفن
وكل الفتن
 
كل الفتن
 
هالزفة يمه ابيتنا
هالزفة يمه ابيتنا
 
ولي يصون الوطن
يوحد شعبنا والضعن
يبقى بعيون وجفن
نعرف زين.., نعرف زين!
هالشعب الوفي:
 صوته لمن
صوته لمن
 
هالزفة يمه ابيتنا
هالزفه يمه ابيتنا
 

محروس بالله بيتنا
بيتنا كل شعب العراق
ولي يوحد الشعب هو الباق
محروس (بالعباس والباز) تبقى ياعراق
 
هالزفة يمه ابيتنا
هالزفه يمه ابيتنا
 
منبيع منه شبر
ولويطلعنه الف الف شمر  
 كل العشاير جيش شرطة وتسر 
هيبة لكل عراقنا والحضر
 
هالزفة يمه ابيتنا
هالزفه يمه ابيتنا
 
نبني ونعمر كل عظم انكسر
ونجبر بخاطر كل مظلوم انقهر
لا مانبخس: كل حق لازم ينظهر
يعمر بلدنا
ويزهي شعبنا الي صبر
الي صبر
الي صبر
الي صبر
 
للقانون حدنا وماعبر
للقانون حده وما طفر

هو الظفر
هو الظفر

هالزفة يمه ابيتنا
هالزفه يمه ابيتنا

العودة الى الصفحة الرئيسية

Google


 في بنت الرافدينفي الويب



© حقوق الطبع والنشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com