|
|
 |
 |
 |
 |
هادي جبارة الحلي
اعداد: اللجنة الاعلامية في بنت الرافدين هادي جباره الحلي: اديب وشاعر ومؤلف مواليد: 1920 توفي في الحلة عام 1969 له عشر دواوين مطبوعة كتب الكثير من الشعر الحسيني كتب عنه الدكتور صباح نوري، الاستاذ سعد الحداد، الاستاذ محمود ابوخمرة، الاستاذ صلاح اللبان، الحاج محمود مرجان، والحاج عباس هجيج.
من قصائده التي يتحدث فيها عن المراة الفقيرة: حكي لا تلوموني حزينه الدهر خلاني مسكينة وهلي فقره ولا اواحد اليهواني
*** فقيرة وبخت ما عندي ولا واحد جدم ليه بعفة وشرف اتستر وهيله اللي حجه عليه اكحيله معتبرة وام بيت افر البيت بيديه لاجن الفقر ذبني بنار الدهر جواني *** نايم ماكعد حظي فقيرة ومحد يودني تريد الوادم الشهرة وبيوت على القمر تبني تدور عاليات بيوت المثلي بعد ما تبني ابني واصل التسكيف ويرد يكع بنياني *** فقيرة والفقر مو عيب الوادم ما يردوني كمال وحسن حاويته جم مرة يخطبوني لاجن بالفقر يا حيف لو سمعوا يعيروني جم واحد الينشني وردو خذو نيشاني *** فقيرة والفقيرة ليش محد يود يخطبه تظل بالبيت مسجونه دموع العين تسجبه تبقى تنطر الرحمة وتريد تحصل مكسبه ومن الالم والمحنة تبقى لمته اتعاني *** تعاني الالم والمحنة تكظي العمر مسكومه فقيرة ولا ذنب عدها جيفن تظل مظلومه تمسي عيونها تذرف تنام الليل مهمومه الواجب هاي نسعدها وعنها ليش متواني *** حكي لا تلوموني حزينه الدهر خلاني مسكينة وهلي فقره ولا اواحد اليهواني ***
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
