القصيدة

فرسان الشعر

الشاعر: عدي السلطاني

لا تفلح عند من جان فلاح ******** ولا تسرح عند من راعي تدريه

وخل نفسك نهر وتحسده الجياح ******** وزرع البيه منافع سيل وسجيه

وخل نفسك رمح لتصير مرواح ******** لان كلشي خفيف الكاع تنفيه

البوه يطير ويعلي بلا جناح ********  الجسد ما يشبه البوه وتذريه

بعض الناس تبجي بدمع تمساح  ******** ومنهم من يغطي اشجان ماضيه

واكله المثل هذا الكل على الراح ********  تره شعرك اعرفه بخط قوافيه

الشعر ابجور وانت موش سباح ********  لا توصل لضفته ولا تطب بيه

الشعر لو ما بحور اوزن جا طاح ********  الحجي الماله وزن كلي اشنسميه

شعرنا اليوم ثخنت بيه الجراح ******** واذا ظل هيج عام اليجي نرثيه