القصيدة

أشراقات عراقية

رحيم الغالبي / الشطرة

raheemalghalbi@yahoo.com

1

ياما عمري ويه عمرك ..جمع أيامه وحسب

آنه من اغله : ملح وأنت من تغله ذهب!!

و باما كلبي ويه كلبك .....

أتدلل

وغنه

ولعب...!!!

ليش ؟ من أغله ملح ...

وأنت من ترخص ..ذهب

يل حلاتك ماي .. وأغرك

.. حتى لو طبعي :خشب!!!

= 2 =

راد من عدنه ... أمتحان ,

وكمنه نقره.. للصبح ,

... جاوبينه بأحله خط وأحله صوره...

,,,,, كام شككها ألوكح ..!!!!

= 3 =

امرايه.. انته:

اليمين.. الكي يسار !!

.. واليسار , الكي يمين

و ضاع كل تعب

.... ألسنين !!

= 4 =

خذت فد مره غزاله ..

للمصور ,

كتله صورها...

رسمها أتكول ذيب ..!!!

و كالي هاذي غزاله ,

. . . كتله ذيب ...!!!؟

كلي لو سألوك عنها

كلهم : أيكول المصور : عندليب ..!!!

= 5 =

ألعود...

ما يدك العود....

بصابع ,

نست وين أظفرها

.... جان العود

بصابع خرسه..11

جان العود

كل البحر جان اوياك ,

هسه بلا سفينه اتعود...!!!؟

= 6 =

راد من عدنه ..

أمتحان ,

و كمنه نقره.. للصبح

جاوبينه.. بأحله خط

و أحله صوره..

...... كام شككها ألوكح ..!!

= 7 =

تساري الحا ر ..... والبا رد !1

تساوي الميه .. والواحد..!!1

تساوي ..

ألنزل والصاعد

تساوي..... النذل

و الساقط....!!!0

تسا وي..الجاري والراكد..

بس.... كلي ؟

أشيسا وي الماي .. بين : الجاري والراكد...؟؟؟!!!

 

Google


 في بنت الرافدينفي الويب

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

© حقوق الطبع و النشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com