القصيدة

أمي

الى نضال الحار .. مع الاشواق

ابو احمد الهنداوي / بابل

بيت العز جمعنه وجنه خلان *** اخوة وحضن امنه يلمنه كلنه

عله وسادة الطيبة انام ونكوم *** ولو جف الوكت تمطر محنه

كلب ينبض مودة وطيبة واشواك *** وحلم دافي يلم فتشة املنه

شجرة طيب امنه وما تشح يوم *** اطلب منه شتريد وتمنه

تضم جروحهه ومتبسمه تلكاك *** ابلمحات الفرح تخفي الهه ونه

حوربهه الدهر ومكابره وياه *** ولا مرة انحنت لا شكت منه

وبين ارموشهه اتطير العصافير *** وعله احجاياته الحلوة كبرنه

لو مرتنه فرحه ويانه ترتاح *** وتون بسكوت لو حست المنه

أمي وأم ضرار ومعن وام ليث *** تظل ابكل وكت فانوس جنه

وعسى عمري على عمرج يمه ويطول *** يا فتشه كرامتنه وعمرنه

يا أمي الصبرتي اسنين وسنين *** لابد ما يرد الراح منه

 

Google


 في بنت الرافدينفي الويب

 
 
 
 
 
 
 
 
 
 
 
 
 
 
 
 
 
 
 
 
 
 

© حقوق الطبع و النشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com