|
|
 |
 |
 |
 |
من هذه العمر عالية البقال ءجيتك مغبّش بدمع العين وسوالفك ، بدلالي تلوب أخفّك بضّلوع كسور ، ما بيه جبر شايلّك مفاتيح الهوه فضّه تلمّعت من ضي الكمر ما فتحت مغاليك الدّروب يانايم بهل ليل سهرانك ، بشوباش عد نجوم ما يغمض الجفنين و شوغات نفسه عليه ، بليط ءجمّعت .. ءجيتك يل رايح بصوبين ما ءلهن جسر و الصّبر دك بليل يا خايب ، بصبرين بدك المحبّه ، عله لصّغر و صبر لذي يكول ، يا مسكين ما ظل عليك جثير من هذه العمر شتنطر عله ءجرفين و البلّلام ولمجداف بغراك و تحوّلت منزمان بيك ءدّار و لدنيه عليك ضياع و ما ظل ءلك عاكول بجداب ، ذاكه العراك ما ظل ءلك من حطب ذيج ءنّار خشبات تعلك عليهه شموع و تسيس نذور البنات جوز .. ولك يا عمر ءلك ويل ليالي وبنّهار ءلك ويلين و دّرب طوال ، ونته كضيت وتغشمريت من مندّهر بشجون لجم دوب ، من ذنوبهم تحسبهه عليك و تجرش بليالي ظنون عسه مرتاح ذاكه دوم ذاكه لذي ما شافك بعينين و نته لذي شفته بعد لنجوم عيون . أخفّك - أخفق . مغاليك - مغاليق غراك - غراق . عراك - عراق .
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
© حقوق الطبع والنشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
