|
|
 |
 |
 |
 |
الرّيح دك الباب عالية البقال جزت دنّيتنه وما درينه شيطوّل فركاكم، علينه ما ءخذنه ويانه منكم غير ءحلام المحبّه وشوغات يوم الغياب والوصل عنوانه حدّ لبّريد عسه المسافر يوم يلكاكم حسبنه من العمر كل السّنين ما جابت ءلنه شي جديّد ترانه ويه الهمّ تراضينه لجل ما فادنه العتاب ********* هانت الدّنيه، وما نسيناكم وحنه نتراوه من لبعيد ترجيّنه، يكون رجعتكم ءلينه وشوكنه زاد ويه الحنين ما يكفّيه الكلب واحد منين، ومنهو لجيب ءثنين حسبنه، وقسّمنه ويّاكم ءجل صار الكلب نصيّن عفاه لما خان بينه تعاهدنه نلتكي لو دار المدار تعاكَس ويه الوصل، بجور ليّام منهه لهجر، مو من ءدينه ********* دنيتنه حالت والعمر محتار والرّيح دك الباب .. ءثاري الدّهر بديارنه فات ءزّرك العينين غدار خي مادرينه، يسيّبل ءحباب ما يلمهه بدّ نيه دار دلّوني راح الزّمن لاوين ءكله، ءحنه ما عرفنه دموع تصوّبنه وما نشتكي، بهداي نرجع ما همنه الدّهر لون بينه الكلب موجوع ولدمع ما شالته عين حدر الجّفون، يغسل بصّور تريّح يا صبر، بهداي عيب، يعوزنه ءدّوه لدّاي
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||
|
© حقوق الطبع والنشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||||||||||||||||||||||||||||||||||||||||||
