|
|
 |
 |
 |
 |
مكتوب بخط القلم عالية البقال روحي تلوب من كثر الألم بشّوغه تغيب محيّر، سألت الليل عن حالك .. يلّي هجرتني، والنّجوم لما تجيب مجفّل ..ءرد ءنتظر .. ءرد لرّوح أسكتهه بنّحيب تطفر لجفن العين دمعات بل كلب تنحدر .. بل خيال أشوفك من بعيد بين النّفس والرّوح ءضمّك بصّدر ما تنّسي دوم بل آهات ما صِير ءلك، يوم رماد ونته متصِير، الرّيح بيّه تمر مكتوب عل ءحباب بل هجر ميعاد ********* يا حبيبي، نجوم هل ليل مكتوب تقره بيّه، وحيرتي تزداد ما توافي الراي، ما تكضّي ءمر مثل زهرات ذبلت بل عمر ما بيهه نفس لتذوك طعم النّده والجّرف حدّ الجّذر بالحسرات أسأل .. وسؤالي يا حبيبي بلا جواب بل كذب حاجيني، يكون عندك .. كلمه ناسيهه، لو عتاب يترجّه منهه الصّبر ويطوّل الليل بكعدات السّمر ما يشتكي بيهه من السّهر لحباب وتغفّي بزند و بعين، كبل السّحر ********** خليني ءشوف النّوم عله صدرك، يمر بينه الحلم بيناتنه ماله ستر .. ما ءدري بليام، بيّه متطوّل سنين لو جانه العتاب، معذّر بلوهم والليل ناسي بظلمته شفّ الهجر ليش تنكر شوفت العينين صدّيت، ترمي بسّهم .. ءمنتك، تجرح و ما تعتذر لنّك برد مدفيت بحرّ الشمس مألوم منك، معرفت النّدم.. ءنته الطّبع ولحظ ّ، جازيت بنكر وبل هوه ءنته ثنين.. سّرك بنجمين، مكتوب بخط القلم ********* معتّب عليك، ءدوّر لك عذر ءوفيلك برّهن دين .. خي ما ظنيّت، تخالفني عنك وتطلع ثلج بنّار ميذوب لو رديت، ما كول هجرك بلاني بل عتب ما صِير هجرين خليني ءصالح بيك زعلات القدر تعال نجمّع منل ليل نجمات نكتب عليهه البخت، بشّعر بيتين ونعلك الشّمعات، بفي الكمر نتغطّّه بدفو لحلمين نقره ونفسّر، شما يريد السّهر وتالي من بعدين أكلك يا حبيبي، يا محله الهجر .
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||
|
© حقوق الطبع والنشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||||||||||||||||||||||||||||||||||||||||||
