من جديد ارجعت اذرع بالدروب

ولا اجد درب اليدليني على دربك

وتركت هاي السوالف من زمان

آنه نصفك و انت نصفي 

يازي عاد وبعد يكفي

××  ××  ××  ××  ××

مادريت الكلب ينباك واهيم

وكمت اسير بلايه روح

والجروح الساكنه اوساكت جرحهه

هاجت اشبيهه الجروح

وانت ناديت برقيق الصوت  ريّض

يلمشيت بلا تحيه

انت ماتتبر مني

آنه نصفك وانت نصفي

يازي عاد اوبعد يكفي

××  ××  ××  ××  ×× 

وعلى بابك كمت احومن من جديد

مثل طير اوتاه عشه

اوخفت من احد يصد لي

اويعرف الغايه اوكصدي

لاجن الواد غريبه اصبحت عدهه

كالت انصاب بدليله

لوبراسه وهذا جن

اوضيعت دربي وعرفتي

يازي عاد اوبعد يكفي

آنه نصفك وانت نصفي

××  ××  ××  ××  ××                                                                                      

انت ماتفزع الحا لي

ما تصد ليه اشجرالي

آنه ماشي اوشتت اجدامي لدرابين الغريبه

اوضاعت اعيون الحبيبه

يا مصيبه !!

والحياطين احس جنهه

اتريد تنطر اوتلفني  !!!

 ويدنه حتفي

يازي عاد اوبعد يكفي

آنه نصفك وانت نصفي

××  ×؛×  ××  ××  ××

وهم رجعت اتجبجب ابذيج الدروب

من الصبح ذاك لحد ما جه الغروب

مر ه اشت نحو الشمال

اومر ه ارجع للجنوب

هايم اوروحي بكل لحظه تذوب

بلا وعي والنار بيه

لافزع يفزع اليه

اوتظل ناري توجر

اويصعد لهببهه

اوترد تطفي

يازي عاد اوبعد يكفي

آنه نصفكوانت نصفي