|
|
 |
 |
 |
 |
اشتل روحك ابكاع الصبر دوم ابو احمد الهنداوي / بابل
اشتل روحك ابكاع الصبر دوم بس ابصبرك تنول التريده وافتح للمحبة ابكلبك الباب تشوف الدنيه بعيونك سعيده وارسم للامل كل وكت آفاق تجيك اكبالك الجانت بعيده واذا فرصة انتهت لاتهم بالراح عديدة الفرص جدامك اكيده الدنيه اتريد ساعد ما يجل يوم الدنيه اتريد الجفوف العنيده اضحك بالجذب لو مرك الضيم واحضن جرحك وشده ابوريده لاتأسف عله اللي منك يروح الماي اللي انجفه ياهو اليعيده واثبت مثل شجره بعاصف الريح يبكه الثبت والخاوي تبيده ولاتجفل اذا صاح الوكت بيك غيم الصيف جذاب برعيده مر مرت شرف باصحاب الحسين نجوم الضوت ابليل العقيده ظلت للشرف والوفه مقياس وماتوصل لمعناهم قصيده ربحان الرفع رايات الاحرار وخسران اليحط بجفوفه كيده الدنيه اثنين خير وشرهه تنطيك ويبكه البشر المن يمد ايده
|
|
| ||||||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||
