القصيدة

سوالفنه

عابر سبيل

abersabell@yahoo.com

شكثر سولفنه سوالف

ماكضت ذيج السوالف من حجينه

انشوف ناس اتروح وترد تمربينه

لجن ما تنظر علينه 00!!

بسبب شكهه اعدًّ حده

وحنه مثل تمثال انبنينه

اتحجرت حتى العيون

الجانت اتكول الكلام

والدمع بلور صار على الملابس

ونطو الليل اوتعدى

والفجر اشرك بضيه

ومن تلاكت هاي ادينه

اتشابجت كل الجفوف

وردنه انفك الأصابع ماكدرنه

جنهه خيطهه الزمان

من زمان00من زمان00 من زمان

والشفا يف رددت بس السلا م

×× ×× ×× ×× ×× ×× ××

وبعد ما طلعت شمسنه

فززتنه من حلمنه

والدمع غطه الملابس

 والمسافة شويه كبرت

بين ادينه

اوصارت بعيني بحر

والعيون اتسمرت وسط المسافة

اوموكلافه انعود ونوسع المسافه

لجن كلفه اتصير من تشعر الواد م

وينفضح سري وسرك

 لجل هذا اتوادعينه

 

 

Google


 في بنت الرافدينفي الويب

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

© حقوق الطبع و النشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com