القصيدة

تاريخ ألخراب

رحيم الغالبي / الشطرة

raheemalghalbi@yahoo.com

دنيت روحي، وفاركتها...

شلت الشمس زغران ليلي ..وحزّمتها

بحلمي طاح الثوب

و انت اعله النهر

كمره

لون الماي فضّي، وعينك الظلمه

........ ترد خسران !!؟

و اتلوذ السنين بسورنه، أتهدمه

محد كال :حوبتنه أعله باب الزمن

عثرت بيكم، ألمهره

محد كال : ( ألله...!!) و نهض بيها

وكادها ..

أعله ألسور

نسوك...؟ ألخلّو أعله الباب.., كل أعمارهم نجمه ....!؟ كسرنه ألنهر ...فاضت كاع هجرانك..

من مر ورّد ألعاكول..

... وأزهار ألربيع أتصير فحمه...!!!

نسوك...؟

وسر محبتنه القديمه، بكلبك انفهمه

نسوك...؟ وسر محبتنه القديمه

... بنبضك انضمه

نسوك ؟ ومن وكتها وصارت النقمه ......!!

 

Google


 في بنت الرافدينفي الويب

 
 
 
 
 
 
 
 
 
 
 
 
 
 
 
 
 
 
 

© حقوق الطبع و النشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com