القصيدة

ر سالة سجين

من الأرشيف

حسين الهلالي / الناصرية

 ياخلي شفتك وطن وسط الكلب معجون

اجهر بصوت المحب خلي الخلق يدرون

اهناه الك وانت الي اشما يدور   الكون

 خلي الوطن غايتك  والنا يبات   اتهون

طوف ابدروب الفرح ضم الأطفال ابهون

 وكلهم تراكم امل للموزمه   اتكونون

 عناي جيت اشتكي  الكم وريد العون

دنياي ما قصًرت لعبت اوياي افنون

الوهن دب بالجسم ظليت بس ارسوم

ادفع تره بالخطر والخطر حولي ايحوم

××  ××  ××  ××  ××  ××  ×× 

(ياخلي ضاك الصدر واظلم علي ليلي )

( وذكرت حلو الحجي وكت  التعاليلي)

اذكرلي ودي المضى وذكركثر ميلي

خظ عل صدرك وشم اسمي ومواويلي

هم اومراره والم بعدك طفح  كيلي

××  ××  ××  ××  ××  ××  ××

مرياهوا ابمرتك والثم اعتاب الدار

مر ياهوا ياهوا وانقل البيه الصار

خل تدري كل اهلنا ازغار الي وكبار

محبوس كلي ياهوا مثلي وعليك اخطار

لو حدًك الهل شرك هم نوحسوك اشرار؟

 لا ياهوا ياهوا ادري ابدمك حار

تاخذ زفيري الهلي دم  للوطن تذكار