ولو وشلة عمر بيه

عتــك حتى الحجي بيهه

وحزنهه يبجي الجنازة

اصر عمري الك بسكوت

مثل متصر عجايزنه مصرهه لساعة العازة

رغم شوفي الرجيج وحيلي ذاك الراح

اصير لعثرتك بعيوني عكازة

رغم عمري الهضيمة... وشيبي غطه الراس

اقدملك كلب ما حب كبل تازة

ولوعجبه بوكتنه نلاكي بيض كلوب

لكن مو عجب من تلكه المازة

يلمبجي الكمر وتصيح انا المظلوم

فرهدت الحسن يلتطلب عوازة

حسد نفسه الحرير الصار بين ايديك

وندب حظه ويه غيرك ملبس البازة

لعب بيه الهوه وعليك طحت اليوم

شيسوي الذي بهواك يتوازة

نيمني عله زندك لنه ريش نعام

وزند غيرك احس بنومتي كزازة