نصوص غنائية

کاظم الوائلي

Kadhim1972@yahoo.com

(1)

الله ويّاكم

الله ويّاكم يهلنة… اللة ويّاكم

شلون ننساكم

يهلنة شلون ننساكم

لو تطول الغربة بينا

بالحلم سيّرو علينا

حتى نتسامر سوّية

او ما نهِِِم لفراگکم

مِرو طيف ابكل مسّية

وجيبو ويّاكم هدية

جيبو چف من ماي دجلة

جيبو كل اهل المحلّة

وجيبو ماجينة زغرنه

 وليله من رمضانكم

الله ويّاكم يهلنة… اللة ويّاكم

لية الغربة تِمر جنهه سَنة

وتسگي كاس الذكريات ابرهدِنة

خاب كل الظن يهلنة

بالليالي اللي سگتنة

بكاسهه المليان شوگ

الذكرى موش ابكاسكم

الله ويّاكم يهلنة… اللة ويّاكم

 

(2) 

الغريب معذور

معذور آنه معذور

غريب او جنحي مكسور

 غريب او جارت ايامي

أنا شلون أخفي آلآمي

وگدَر اوفي الانذور

معذور آنه معذور

شاخيّط من هالاجروح

وشسوّي بنغمة النوح

حِسَبت ايام الافراگ

دمع عالوجنه حرّاگ

ظلام اتنطّر النور

معذور آنه معذور

غريب او فاگد الراي

وين اليشفي هالداي

الفگد أمة الحنينة

ما يسكِت ونينه

او يحن لو مرَّت اطيور

معذور آنه معذور

وين الفاگد اهله

حيل الدمع هلّه

شما طوّل اغيابك

ظل اذكر احبابك

العمر بالغربة منثور

معذور آنه معذور