|
|
 |
 |
 |
 |
ياعلي لاتبجي يبني صح طرّيه جفوفك الحلوات ماشبعن لعب صح..لون عثريت يبني تحير بيمن تتقي الكاع بعثرتك وبيمن تنشف دمعتك لون كلبك يرثي حالك ياعلي ولجلك نحب يبني من مديت اديك تريد من العالم الزائف يحط بيدك ولو زهرة امل لجن يبني شتل بعيونك بؤس كل القرون اووهب لجفوفك هديه شنهوا هيه ياعلي لعبة حرب كافي يبني بس بعد..لاتبجي وكفكف دموعك ما بعد تنفع يعلاوي الجفوف والامل بينه انذبح شنهوا نفع جفوفنا ياعلي يبني الما تلّوح للامل وجه الصبح
ياعلي شنفع الجفوف
وغم سجايا جفوف تترجّه الخذلها تمدها لنويلات وشوية عطيه وهاي..هيه هاي فعلات الدنيه اتشوف ايد مكبله بقيد السلاسل وهيه اشرف ..وولى بالتقبيل
من ايد الملالي
الاعجميه بثوب حيله من التقيه ياعلي ذبحوا عراقك عالمنابر عالكراسي بالمنافي بالدموع الكاذبه وكلمة خطيه ياعلي شكبرها يبني كطعوا جفوفك يغالي وباسوا جفوف الغزاة الاجنبيه شهل البليه شهل البليه
|
|
| ||||||||||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||||||
