صورتان للذكرى
رحيم العراقي / دبي
RahimIraqi@dmi.ae
1
أغانينه..محبتنه..سوالفنه..
نسينا وماكتبناهه
والأحلام واللحظات
على الشاطي تركناهه
ومرت عاصفة نسيان
وسنة همّ..وسنة
أحزان..و..الطوفان
وبعد عشرين شفناهه..
أغانينه ومحبتنه
وسوالفنه..
العلى الشاطي ..محتها
إذياب مسعورة
بعد عشرين شفناهه
على الجفنين والخدين
محفوره
إعذريني ..
أنا ما علّكَــت عمري
صور مشتوله عل حايط..
وملامح وجهج
الحنطي..إنطبعت
بالكَلب صوره
..وبعد عشرين جرحتني
شظايا وجهج البلور
وتشـّظت أغانينه
ومحبتنه وسوالفنه..
مثل عمري المضى
مرايات مكــــسوره
2
كلماتج..تذوب شموعهه
بصدري..
كـــل كـــلـمه
حـــركـَ بالـروح
وراحةإيدج..إتمنيت
تغرف دمي المسفوح
وضحكـاتج..على
الأيام..
صارت تبجي ضحكـاتج
بجي المجروح
وخصلة شـعرج
النعسانه..خوف إتفوح
ومنديلج بعد ما غفه
بعينج لحظة التوديع
ردت أقراه وتهجّى
الحجي الممسوح
تمـنيته حـمامه بــس
تجــي وتروح
وأدري بيتي
المظــــلم.. نزل
مترات عل شارع..
وأدرز بالحلم
لوبالصحو..الفرشـــي
العـتيكـَ إســطوح
أنه الياويل..من
بعدج حمل مطروح
مثل سعف النخل
بالريح..كَـلبي ينوح
وصدري باب للطعنات
ترسم لي عليه إجروح
بنيت أعشاش
للملكَــه على الحايط
مـا ظـل منها بـس
ريشـه و عُـمُر
مــذبوح
