مساجلة شعرية بين شعراء عراقيين 1

کاظم الوائلي

Kadhim1972@yahoo.com

تركت العراق وانا ابن 19 ربيعا وقدر لي ان اعانق مرارة الغربة في معسكرات رفحاء في السعودية من عام 1991 الى 1993 حيث التقيت بشعراء وادباء من الفرات الاوسط والجنوب وكانوا من التلاميذ والاساتذة في الادب الشعبي, فكونا ملتقى ادبي اسبوعي نتبادل من خلاله نتاجاتنا وكذلك نتبادل الخبرات الادبية المتمثلة برونقة دارمي الفرات الاوسط وشفافية ابوذية الجنوب, فكان الواحد منا يملك عبق النفس الجنوبي بمزيج من حسچة الفرات الاوسط, فكانت فرصة ذهبية للتجانس الثقافي يحلم بها كل شاعر و اديب, ومن نتائج هذا الاختلاط كنا نجاري بعضنا البعض من خلال الشعر, وهذه القصيدة المرفقة كتبت في بدايات العام 93 وسوف تشعر اخي القارئ واختي القارئة بتنوع النفس الشعري لدى المشاركين بهذه القصيدة, وسوف احاول ان انشر في الايام المقبلة الباقي من القصائد,

آخ من وكتي شكثر لوعـاته
بية بيّس خوش اخذ طـگاته
 

بيه بيّس خوش راواني الوكـت
مني اخذ طگاته وبداً ما صـحت
خله اعز الناس لو بيه حشـمت
عني سَد اذنة اورضا ابسـكتاته
خالد العبودي (الديوانية- شنافية)

عني سد اذنة ولا چّني اصـيح
تحيرت لا آني حي او لا ذبيـح
صرت چالسمچة بشبچ واعي تطـيح
شلون تخلص گلـّّي من عـتـاته
كاظم الوائلي(ديوانية- شنافية)

شلون تخلص من دواليب الزمـان
شينة بانت غايتة او لا بيه امـان
امن الزمن حاذر واشد من اللـسان
حاذر او لا تامن الزلاتـه
عيسى ابو طبيخ ( السماوة- رميثة)

حاذر او كلمن يأمن منـخدع
او كون واعي الوكتك بشوف او سمع
الشهد من تجنيه اتوطن للسـع
الزمن شريِن والحتف لسـعاته
صباح الفحام ( النجف)

لسعاته من تولاك ما يـنفع دوه
او لا يغرك هالزمان اشما حـوه
بيه حياية او بيه عگارب بيه هـوه
ماتميل اوية الهوه او راياتـه
كاظم الناصري (ناصريه)

ويّة نفسك والهوه بالك تمـيل
ونهض ابحمل الكلايف لو ثجـيل
لا تهبّط للزمن تصبح ذليـل
ولا تدوخ انتة بكثر صيـحاته
يوسف كطان السماوي (السماوة)

مضحكة الدنيا اشعجب منهة ندوخ
والعرفهة بلا قلق منهة يـفوخ
والركبهه اتغرة بالهيمة او تـنوخ
واتبعهة ادوهن بتيـهاته
عودة الشحماني (البصرة)


شما يطيح اعليك چيد او عانِـدّة
صگر صير أغراب وكتك مرعـدة
الينفض اگوامة او يصير ابنص عِدة
ما تطيح الا بشخص چـيلاته
ابو مريم الكربلائي(كربلاء)

آخ من وكتي شكثر لوعـاته
بية بيّس خوش اخذ طـگاته