مساجلة شعرية بين
شعراء عراقيين 2
کاظم الوائلي
Kadhim1972@yahoo.com
نزع
كل جلدة الصبر بحزانـهه
الامجامض عنهه رد
عدوانـهه
جامضت كل الامحامض عفية
روح
تخنگ الـوّن من يغثـنهه
الجـروح
صِل اصلهه شلون تتناهه
تـنوح
ماتميل شما ثگل شكبـانهه
خالد العبودي (
الديوانية)
شما ثگل شكبانهه تشد او
تـشيل
تستريح او تطرب الحمل
الثـجيل
وكحة لا تفحط ولا حطهه
الطـويل
لاتعظ اشفة او تروز
اوزانـهه
عبد الخالق المحنا
(النجف-مشخاب)
اوزانهه تروز او تحاذر من
جبـح
لاتگع هية او حملهه او
تنـفظح
مثل حامي الظعن يتوجة
الرمـح
تموت وگفة ولا تِصل
عدوانـهه
ابو مريم الكربلائي
(كربلاء)
لو تصل عدوانهه مكابر
تـموت
بالمناية تنازع الموت
ابسـكوت
ابثغر مبسم خايفة الشامت
يـفوت
بكل صلافة اشفصح گول
اللسانهه
صباح الفحام (النجف)
صلفة وي عدوانهه او ماظن
رخت
وبد مامالت عدلهه او
نوِّخـت
حية رگطة الروح وبرملة
سَـعَـت
صامَت او كل الدهر
رمضانـهه
كاظم الوائلي (الديوانية)
كل دهرهه صايمة او
متجـلّده
وبد مايبن عليهه اللي
سـده
تظل صبيرة فلا مرهه
الـنده
تزهي لو بارح يمر
بغصانـهه
مبارك عجمي الخاقاني(
الناصرية)
تزهي لو بارح يمر بيهه او
تفـوح
وتحفظ اسرار المسير او
ماتـبوح
العزم باللّه تنهض برغم
الجـروح
او تستر اجروح الگلب
ببدانـهه
شريف الحسناوي (الناصرية)
ببدانهه اتشيل شحوّة من
الجراح
او لا تظنهه ابيوم يمكن
تسـتراح
دفنت السر بالدليل او لا
يـباح
ما تبوج اسرارهه
الدفانـهه
كاظم الناصري (الناصرية)
ماتبوح اسرارهه حدر
الـتراب
حتى لو ضاگ الگبر واصبح
عقاب
عند ذاك بعزته ايصير
انقـلاب
ياخذ الروح او تمل
اجفانـهه
وليد وارد العجلي
(الناصرية)
عفية روح شكثر جلدة او
صابرة
بالوجع تتنومس او تخفي
الجـرة
لليضدهه تدعي دوم
ابمغـفرة
بالطبع طيبة او ثلج
نيرانـهه
علي آل جاري الحسناوي
(الناصرية)
بالطبع طيبة او ثلج تحسب
النار
للمكارم ساعية بليل او
نهـار
اتدوّر الزينة ولو تركب
اخـطار
وحتى للعدوان تبدي
احسانهه
باقر البعاج (الناصرية)
نزع كل جلدة الصبر
بحزانـهه
الامجامض عنهه رد عدوانهه
كاظم
الوائلي –رفحاء- 1992
ـــــــــــــــ
*
الامجامض: كلمة تراثية
كانت تتداول بين قبائل
الفرات الاوسط وتعني
(التكابر) أو (رباطة
الجأش)
