بعدنا يارحيم بأول المشوار

الوطن محتاج شعرك وصوت أنغامك

وبعدنا يابطل نحلم سويه وياك

وآه شكد جبيره هي أحلامك

وبعده الريح صفره والذياب أكثار

شرسه تذبح دوم بأخوانك

وبعده دموعك عل الراحو امس

امبللات الكاع شبساع المنيه تصير كدامك

 وبعده الكاع حمره تنّز دموم

محتاجه لوكفتك وحبر أقلامك

ياوسفه اللحد ضماك ياحيفات

كل البعث فدوه يروح لترابك

يابن صوت الحقيقه ومنبر الأحرار

يال فاضح نوايا الشر بأشعارك

ياهاجس محبه صرت بين الناس

لاتصدك سهل يصير نسيانك

يابن العراق المابخلت عليه

روحك قدمته ونزف شريانك

يابن المضايف يامتصدر الديوان

هيَبَه وكهوة هيل فنجانك

ياجامع شمل ياساعي تنشر خير

أنته مامتت المات عدوانك

أنته مامتت المات عدوانك