هيه مومن هاي خايب وأنتهت

      الدنيا بحوال البشر كَلابه

لون للمريخ مو  سدني  طرت

الشهم ماينسى جميل اصحابه

تذكر عيوني عليك من اهملت

مثل دمع الفكَد كل احبابه

ذاك من ذاك اليغيثك لو صحت

وذاك من ذاك الاصيله انسابه

لاتلوم الناس لو اصبحت

أتساوي راس اجعيدها ويذنابه

الزينه وي الشينه وسفه اتعادلت

والاسود اتساوت ويذيابه

طيح الله حظ وفكَ هذا الوكت

الخلَه قيمت كل رجل بحسابه

لو ملك قارون ياخايب حشت

تالي تبله وتصفى مثل ترابه

ولون طبعك للشراك انت بعت

ذيب طبعك لجن خافي انيابه

طبعي آنا لصاحبي بروحي جدت

ومن يطكَ زودي يدر خنيابه

آنا شفت العوز حد عيني بجت

ويدي تنشل لوغدت طلابه

بوجهي بوب الدنيا صح اتسددت

لجن ربك مايسد ابوابه