|
|
 |
 |
 |
 |
الموناليزا ريّة ريّا أو ريّة : فتاة عراقية امتزجت سمرتها الاصيلة بحداثة الحضارة الغربية کاظم الوائلي
أغازل والغزل مو كافي يا ريّة وطبعي من اغازل مُخلص النيّة ===== يا ريّة الغزل لوحة رسم فنان يتميّز خيّالة الواسع ابـ عنوان موهبة الرسم تنولد بالانسان من يوم الولادة وروحة عذريّة أغازل والغزل مو كافي يا ريّة ====== يا ريّة الجمال ابـ شعرچ اتكمل يابسمة طفولة ابغنج تدلل (موناليزا) انتي وبيچ يتأمل (دافنشي) ورِسَم لوحة عراقية أغازل والغزل مو كافي يا ريّة ====== يا ريّة اقبّلي الغزَل وسراره من شاعر فقير او سلوتِة اشعاره يا ريّة ابحلاتچ روحي محتارة شهيِّـة وحاير ابوصفچ يخمرية أغازل والغزل مو كافي يا ريّة ====== يا ريّة سكنتي ابنص مُخيّلتي وابين الجفون ابصحوتِي نمتي يا وردة محبّة ابكل نبع صرتي وزهُور الحدايق بيچ مسبيّة أغازل والغزل مو كافي يا ريّة ====== يا ريّة الطيور ابحسنچ ايغنـَن والبلبل أبعذب الصوت الچ لحّن ويا ريّة الگمر من شافچ اتجنن غاب و صارعذرة آسباب عقلية ===== يا ريّة الولع كل ليلي سامرني والـ ديرة هلي ياحلوة ياخذني من شفتچ يحلوة الشوگ ذكّرني بالترفات والسمرة الفراتية أغازل والغزل مو كافي يا ريّة وطبعي من اغازل مُخلص النيّة
|
|
| ||||||||||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||||||
