القصيدة

حال الناس

کاظم آل مبارك الوائلي

Kadhim1972@yahoo.com

يا حور جنة عدن تمشي اوية نغم الصِبا

وبشوگ راد الكلب يرجع لعهد الصَبا

يلـّي أتبعِت ملِـّتي واتركت دين الصبـّا

 

للحين حچـِّيك ذهب وابداً فلا قلِبّـَك

من حيث بيك الشِعر قصَّر لمُن قالَـ بَك

يابو محاسن ذهب محَََّد وٌصف قالِبَك

 

ركعة وسجود او شِكر مني لَعند الصَبّا

 

ابوذية

 

عفاه الوكت ما دارَك وَقَلبك

ولا كل الذي حبَّك وقَلـ بك

ترف طولك.. غَنَج لِعبَك

طعُم حچيَّك.. مِلِح طعمك

منو المِثلِك.. حِمَل حِسِنك

وقلبَك....

ذهب خالص وصافي امن الردية

 

*******

 

 

بسهامة يرمي الدهر وجروح بينه ضَعن

وسنين من العمر يوم الرماهن ظَعَن

أيامة كلفة المُضت و الغيرنة توا ضعَن

 

للغير طعم الشهد و النه اصبحن مرات

من عندة طيب و وفه العين أبد ما رأت

وكت النفاه اشكثر ظَعنة يُمُر مرات

 

وتشوفة وكت العِسُر ما چنـّة يملك ظعن

أبوذية

 

شبَيح الوكت لسهامة وُضعنة

رِمانة وطشنة طَش خردل وَضِعنة

چثيرة ضعُون شالتنة وَضَعنة

من ماي الگصَص رايدلة دِيّـَة

*****

 

  

أبوذيات متفرقة

1-

أِذا ملـّيت من روحي شمِلكُم

يغالين أشتهيت أشتَم شملكُم

هلي اتذكروني من يلتم شَمِلـ كم

هلي وتدرون لاح الشيب بيّة

 

2-

يخيِّ جسمي ابجفاكٌم صُبَح بهتان

تأنـّة وهاك كلمة وَعَد بهـ تان

و خِذ منّي الحچي المابيه بُهتان

ولا غيبة او يصير الذنب مِيــّة

 

3-

 

بيك الروح متعلگة و أملهه

وِالك نص الگلب ملعب و ملهه

أذا اجزَع من العالم و مِلهَه

أظل مستكفي بيك و هاي هيــة

 

4-

 

تمايل شوگي مو مطرب ترابه

رفيف و يِحِن لبلادة وترابة

يَلَن حبي ابحضِن دجلة ترّبّة

وعلى انغام الوَتَر وَّن ابخفّـِية

 

Google


 في بنت الرافدينفي الويب

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

© حقوق الطبع و النشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com