صلاة بعدد انسك من تصلي

وياك لغصن طه من تصلي

فرض ربك على احمد من تصلي

بتره بلا صلاة اعله البقيه

اللهم صلي على محمد وآل محمد

القصيدة

عشت يحسين بضمير الكون

والاعوج عدلته

صح متت عطشان لاكن يبن حيدر

كل ابى الدنيا

ونبل كل القيًم والعز شربته

من طحت

لاوحكَ دمك

مو يزيد الذبح نحرك

ياحسين انت النحرته

هذا ثوبك

ياهو ابوك وياهو جدك

وياحليب انت الرضعته

اجرًعت كاس المنايا

لجن كاس الذل ابد يحسين

ما لحظه جرعته

يا وتر

حار الزمان

وعسًرت بيه النبل يحسين

حيث انت الوترته

مو عجيبه ياهو انت

انت يلي كل سجايا الرسل

واسرار النبايا انت ورثته

وياهو كَلي الحمل حملك

لو جبل جا ناخ من حمل الحملته

هم شفت واحد بتاريخك

على اعدائه بعطف يسكب دمعته

وهم شفت واحد

ابالف صواب والذكر اعلى شفته

وهم شفت واحد

يروي الكاع دمه ومايعاتبه اعلى كَطرة ماي

ترويله عطشته

طالعت صفحات تاريخي

وعلى امجاده نشدته

لن يكَلي

زيفت صفحاتي كلها

وبدلت وجه الحقائق بالخديعه

وكل صدكَ بيهن كَلبته

واكَدرت حتى ازيف

كل اناجيل السماء

وكل صحاح السنه والتورات

والاكثر شطبته

وياما سيست الحقائق

صفحه صفحه هواي

من غير الحركَته

لجن بس حسين

يستعصي اعلى ذكري

لان بدماه اكتباني

مو انى بحبري يهل التنشد كتبته

ياهو مثلك ياحسين

انت ضي ومظلم التاريخ

وانت النور

كل النور

يحسين وشمعته