|
|
 |
 |
 |
 |
ومضات الشاعر مناف الحسيني \ السويد ..من كثر مـا خضر ابراسي انـه شيـب.. ..خضرت بكَليبي شيبه وكَمت اركز بيه زيـن.. ..هسه اريد اشلعهـا من كَلبي الحزين.. ..خايف أشلع حته كَلبي وتضحك عليه السنين.. ـ الورد شفته عزيز ابكل دويلات بس عدنه الورد ذبحو وريـدة زرعنه اشكد ورد بدموع بـغداد او قرينه الفاتحه اعليه ابقصيدة ـ اكـو شاعر لو لزم بيدة القلم بجّه السنين وكـو شاعر ما عركَ عندة الجبين وكـو شاعر مات بس اشكد حزين يكتب ابدمة القصيدة وخلص دمة اعله الحسين
قصيدة مغنات للوطن الدنيه ارهاب او دمعه وحسره = وين اتعيش الناس الفقره ما نتحمل صعبه الهجره = ليش انعيف البيت ابعبره وين اتعيش الناس الفقره متأمن تمشيلك خطوه = مزروع ابكل جانب عبوه شوف المحتل بينه اشسوه = سوه ارهاب او فتنه وبلوه دمنه الكل العالم يبـره وين اتعيش الناس الفقره تمشي ابغداد انته ابورطه = متميز ارهابي امنل شرطه ما تعرف عدمن هل سلطه = كل عشر امتار اتحس نقطه ويفتشلك حتى الجنطه = وكَبالك تفجير او ثوره وين اتعيش الناس الفقره جانت بغداد اشكد حلوه = بيد الضالم موتتنا اشـوه ولا شعبي امهجر وملوه = على جيران اعكاله ايشمره وين اتعيش الناس الفقره عفنه البيت وعفنه الديره = وتضل بغداد ابنص حيره بيد الباعو حتى الغيره = حتى اتموت الناس الخيره وين اتعيش الناس الفقره ما مسموح انحس ابفرحه = ناس اتموت ومنهم جرحه دمنه اتحلل كلهة امصرحه = موش ابنادم روح او فجره وين اتعيش النـاس الفقره الـدنيه ارهاب ودمعه وحسره ـ
|
|
| |||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | |||||||||||||||||||||||||||||||||||||||||||||||||||
