موال وقصيدة بمناسبة مولد الامام الحسن (ع)

کاظم الوائلي

أهلال فوگ الخلّگ جـِن وأنِـس علّـته

وجبريل صاح ابفخر هنيـالكم عالأتى

النور من يا ظِهِر هذا ومنو عِـلِته

 

مولود آل النبي هم مثلـّه شُفتـم وهل؟

هَم مثل بدر الحسن بان ابسِمانه وهـل

ما مِثله نگلَت حوى للدين منزل وهـل

 

مِن صُلُب حيدر صُبح الهادي ابٍ وجَد

شِبِل الصميدع فِـتَـح للدنيـا عينه وَجَد

علم ونبوة وشرف والدين مبدأ وجـدْ

 

عصمة وأِمامة وسِبُط مابيهه ريبة وشَك

والناس ماهُم سِوة بيهم ورودٍ وشَـك

ولتباعة صدَّر أمر بس لله وَلـي وَشّـك

 

بالكرم ما يوصِلّه حاتم الطائي وعِـده

وبفعالة صار المَثَل والحَد جزاه أو عـدّه

سيد شباب الحشر وبهذا جدّه أوعِـده

والصلى عالمصطفى وآله انجـِلَت عِلـته

 

شُبـر

عُود حيدر شُبّـر اليوم أنوِلَد

وفرح بالمولود طـه وانسعد

وشَعَت اشموس الرسالة امن المهد

لچن هذا الشـبل ابن كرارهه

 

أبن مكة والنجف وبـن القدس

وبن آيات الطهارة امن الرِجـس

وبِن سادات الفـلَك جن وأِنِس

وبن يثرب والحـرَم واستارهه

 

گـّلي يابطِـن اللي نگلَت هالاِمام

موش بطن الزهرة بت سـيد ألانام

ومولِده بدار الحِضن أشـرَف كلام

وعِدهُم اعلوم السما وأسـرارهه

 

من صُلُب حيدر طلع خير النسـل

سبط ياسين التِسّيد عالرسـل

شُـبّر بعرش الاله أسمة يِهـل

وشرف للدنيا الحـسن خطارهه

 

 

كاظم الوائلي

Kadhim1972@yahoo.com