لعُيـون العراقيـة

حكمت البيداري

لعُيــون العراقية، الميها زُلال

طعـم العسل واطيب، شَــهدَه حَلال

لوضـحكت أدمّـر، أتفلــش جبـال

ويـله ياويله، من يگرب الخيال

لو صوبته بنظره، ينچتل بالحال

بعُيون العراقية ..

چفوف العراقية، يادوا المعلول

لمســتها علويه، أطيب المشلول

والي گعدفِِيها،أمراضه كهاأتزول

والي سكن عشها،ويّاهاعمره يطول

نور الحياة هيَّ، بدر وگمر وهلال

منوره العراقية ..

هنيال عاشگهـا، هنيـاله هنيـــال

يامسعده الحبها،والگلبه الهامـال

نعمةالوفى بالحب،بيهاالحمل مامال

نشـميه هـل خيّــا، لو ربـت اجيال

صگور وأسود سباع، ابطال ولدابطال

ولد العراقية ..

بطبــع العراقيـة، معروفـه الخصال

تنصــاغ بس الهـا، تنـگال الأمثـال

باگــت ورد حلــوه، رقـــه وجمـال

والعقـــــل زينـــه، والحسـن دلال

عفه وكرامه وشــــرف، وغيرة رجـال

والنعم عراقية ..