صوت وحلم

ضرغام العراقي

حاير تظل لشوكت وعني تظل ابعيد

وبس بالحلم نلتقي

وچاليش بس بالحلم

ادريك ما مقتنع

اتريد يمي تجي ونفس الوقت ماتريد

وصح تختلف من تحب

ويّاك ما يختلف

لكنه كَلبي طفل شي قنعه يوم العيد

واعرف جوابك بعد

كلمة حبيبي انتظر

والهذه ما اسألك نفس النعيده انزيد

وارجع حضن صفنتي

واغفه اعله صوت الدمع

ورسمك يمرني غصب چن احنه أيد بأيد

واصحه وسراب الجرف

وغركَان شوكَ الكَلب

ولو فاض نهر العمر جيتك بعد شتفيد

اختار صبري وطن

واجبر كسرخاطري

والسان شاعر سطر

وجمهوره انت يحس وايريد منه ايعيد

حاير تظل لشوكت وعني تظل ابعيد

وعني تظل ابعيد ...