|
|
 |
 |
 |
 |
شياطين
حسين الفنهراوي بالك لا تكـــــف ويه الشــــــياطين أخــاف يمر وكــت وتصير شيطان وأحـــذر لا تمش جنب الحــياطين تعرف بيهه عدنه شلون حـــيطان رتـــب وأسماء وهوايه العــناوين بس جيب الشريف وخوش انسان لكن ياحســـــــــافه الحال مــوزين عمرنه خويه يمشي شلون ماجان ياسادة الوضــــع يحتاج تحســين وشفنـه من العذاب أشكال وألوان وطن ديمـوت بين الحين والحــين نعيش بـــلا وطن ماعـــدنه يفلان اذا شفنـــــه جنطــهم عراقــــيين العراقي صــاير لكل هجره عنوان ياهو اللي تسأله يكــول ماشــــين مانكـدر نعــيش بوطـــن نــــيران علي رد وأحس بصــوته مسـكين خــــايب ياوطن دورلك مــــــجان تره انباع الوطن ياخــــوي بالدين وفرهود الحــــــــواسم باقي للأن مانكــــدر نجاوبهــم محـــــــقين انترست من شعبنه هـــواي بلدان ناس لمــــصر راحت ناس للصين وناس استكربتهه ومشـت لأيران مثل وصلة لـــحم عـــند البزازين أمــنه الوطن يم حـــــــلك جوعان كالو راح نـــجلي همـــوم السنين ومن جـــديد نبني الــــوطن بنيان لابنــــيان شفنه رجـــعنه عالطين مـــثل حــــكم الكبل ردت الأحزان بلــــد ياصاح بيه هواي خـــيرين بس للأســـف باقي الشعب حيران وبيه هواي ناس وتــحجي بالدين ويحل وكـــت التفرهد كبل الأذان انه أحسب هــــذوله الناس ميتين لأن مــيت أشــــوفه الماله ايمان ضــــيعنه بوطنه الزين والشـــين تعــبانه الــنفوس وبلــــد خربان وأسولف سالفه تضوج المحبين شكثرراجعت نفسي يجوز غلطان ما أنصر الباطل لو مـــــــــلايين شما يحصد الباطل يبقه خسران ولا مـره كـــلت للــزين مــوزين ولا جاملت شين وصعدت شان وفـــــد مره نمـــت وبليل تشرين ونايم من وكـت لــن جـنت تعبان ولن اني أحــــلمت بالحله بـــكين وحلمت العــــراق يـــــصير يابان ولن سوك المسكف جنه برلـــين ولـن باب الحـــسين تكول جيهان ولن فزيــــت صوت بأذني للحين ملهوف طلعت طلعو الجــــــيران ولن الصوت بمبه.. يالله هم زين أحسن من خـطف وبدجله غركان ولن ورقه أكتبولي(أسمع حسين حتـه بعد ماتكتب عـلى فــــــلان)
|
|
| |||||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | |||||||||||||||||||||||||||||||||||||||||||||||||||||
