القصيدة

راد يرسمهه

 

وفاء الربيعي

kortalayn1@yahoo.com

 

وصل لشفافها

رجفت ايده

تيبس الدم بوريده

رسم بشفايفه

لهفة عشك

ملونه

بلهفة كلب

ومن فرح ذيج الشفايف

تلونت لوحات

وتفتحت وردات

حمرة

فاح من عدها عطر

دغدغ كليبه وكلبهه 

اجه يوصفهه

وصل لانفاسهه

تخربطت الالوان من

حركة نفسهه

قرب منهه

وجاسهه

جن لهب تنور

من عدها اشتعل

بعد عنها

وخاف

حركة نارهه

راد يرسمهه

وصل حد الحنين

مالكه اللون اليوالم

حنية بين حروفهه

كرب منها وغرف

من نبع الحنين

الماكضة

رغم العذاب الشافته

من سنينهه

راد يرسمه

وبحراد يرسمه

وبحجه ويشيل الزلف

من ا خدودهه

رجفت ايده

وطاحت الفرشاة

مابين الكطايه

اتبسمرت بمجانهه

وبهتت الالوان كلهه

ويه حمرة لونهه

اتعذرتله وكالت

اليوم انتهينه

خلها هل الرسمة على باجر

بلجي باجر

نرسم بفرحة عشكنه

لوحة حلوة

ملونة

ابوساتنه

 

Google


 في بنت الرافدينفي الويب

 
 
 
 
 
 
 
 
 
 
 
 
 
 
 
 
 
 
 
 
 

© حقوق الطبع و النشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com