الجهاد الطيب والعز منفرحنه
ولا نكرب الذلة منفرحنه
ابصوت الوفة نهتف منفرحنه
ابميلاد الوصي حامي الحميه ...
****
من ياباب اجيك اوادك يا باب *** ومن كل باب تفتح بيهه الف باب
علمك لو حديثك لو معانيك *** عجزت يمهه واتعجبت كتّاب
لو نهج البلاغة الما وصل ليك ** لاصاحب نحو ولا صاحب آداب
لو تضحيتك البيهة انته موصوف ** لو اعجازك الحير الالباب
وحده اذكرهه وحده اتحير العقول ** رديت الشمس من بعد الغياب
يا اول ولادة ابكعبة الله ** وغيرك عله فراش الشرك ينجاب
من يا باب اجيك اوادك ياباب ** اجيت الباب خبير طايحه الباب
اجيت اعبر الخندق وانظر الصار ** كالو ضربتك هزمت الاحزاب
اجيت الباب كلبلك بابه مفتوح ** لكيت ابداخله الاعداء واصحاب
اجيت الباب صبرك بابه مفلوك** وملمومه عليه المحن اطناب
كسرالجمع انته الباب لله ** لأن انته حياتك كلهه محراب
بابك عله المسجد فقط مفتوح ** ومفلوكه عليهم كل الابواب
من تراب هذا البشر مخلوك ** يعني انته ابونه يا ابو تراب
انته اكبر رئيس الدولة بالكون ** وماشفنه رئيس اشتغل حطاب
ما ننساك طول العمر باقين ** لا تنسانه انته ابيوم الحساب