العود والناي

عمرو السعودي
مصري مقيم في البرازيل

أحيانا الحل بيبقي في إنك

تحضن حزنك بين وجدانك

تعصر منه حبه ريق

أحيانا بيكون الحزن صديق

لما الغربه بتبقي بطاقه

لما الطاقه تروح لي مفيش

أحيانا بتقاوح وتحاول وتعيش

وبتسمع دقات العود بتعود

فيدق القلب وتعود الروح

دمعه إحساسك بوجودك

مليانه وضوح

أحيانا بتخاف من الحزن

وبتهرب جوه وشوش الناس

جوه بساطه حد بسيط

أحيانا بتداري حاجات

بحاجات تانيه

ملهاش فايده غير التضليل

شوش علي حالك وبرحتك

هتجيلك لحظه مافيهاش تأجيل

هتسلم فيها بإنك

مخلوق منك

العود والناي