قصيدة بمناسبة المولد النبوي الشريف
 

كاظم ال مبارك الوائلي
Kadhim1972@yahoo.com

طلع البدر علينا من ثنيات الوداع وجب الشكر علينا ما دعا لله داع
طلع البدر علينا والكواكب هلهلت
وزفت بشارة لأرضنة حيث بيه اتشرفت
طه أسمة ونورة يسطع بالمهد شمسة أشرقت
وبيه تتغنى الرواسي والبوادي والقلاع
بيه تتغنى الاعارب والفرنجة والعجم
ومنه نعرف ربنة واحد وبد ما نعبد صنم
ومن فضل نهجة وطريقة صرنه من خير الامم
ورحمة نزلهه علينا عگب ما چنة بضياع
رحمة نزلت عالخليقة ومن بطن مكة ظهر
رجل خاتم للنبوة وأسمه بالتورة أنذكر
أسمه أحمد خُلقة طيب وبالامانات اشتهر
وفخر مابين القبائل والسلف صيتة يذاع
فخر لهل السمة السبعة واللي سكنوا عالارض
وخير غطى الدنيا كلها امن انولد طول وعرض
وطاعتة أبداً مو هوّاية طاعتة سّنة وفرض
وهذا ما جبريل گالة وواجب اعلينة يطاع
هذا ما جبريل گالة ولا تتبعوا ألا سواه
وللبشر عنده رسالة ولنشرهة الله اصفاه
يكرس الاسلام بينة ويعتبر دين الاله
ولازم ايعم عالبرية وخيرة ياخذ بـ تِساع
لازم الاسلام يعلى وينتهج خطَة الصحيح
درب اصحاب الرسالة الگبلة موسى والمسيح
وهذه بالقرآن آية واضحة ونَصهة صريح
واضحة ومعناها چن امن الشمس يطلع شعاع
واضحة الايات نزلت والنبوة حضرِتك
أيها (المدَّثر) أنهض صلي واعلِن ثورتك
وأنذر الاقرب اليك ومن گبلهم عَليتَك
وحنة أرسلناك رحمة ولسفينتنا شرّاع
واحنة أرسلناك رحمة ومرسلٌ للعالمين
وصل جبريل برسالة وگالة اقرأ يا امين
اختارك الرب الجليل تكون سيد المرسلين
وراح دينك شانة يعلى ويظهر بكل البقاع
طلع البدر علينا من ثنيات الوداع وجب الشكر علينا ما دعا لله داع